Tes unha arela…que é unha arela?
Unha arela é un desexo, un desexo forte .
Se sentes unha arela confía, existen para se facer realidade.
*areladefe nace dunha arela: o desexo de crear beleza e emoción a través da xoiería.
Xoias que nacen dunha arela e perduran no tempo.
Fe González son eu, e levo vinte anos deseñando e elaborando xoias de maneira artesanal. Cada peza é única, feita con metales nobres como prata e ouro, sempre co coidado e a paixón que esixe o traballo feito a man.
Ao longo destes anos, explorei diferentes materiais e técnicas, mantendo sempre a esencia de areladefe: a unión do soño, a técnica e a emoción.
Cada colección conta unha historia, cada peza reflicte luz, movemento e sentimento, convidando quen a leva a sentirse parte desa arela que nos move.
